Joshua,
Nga atinye teeret em sobeet asi ma amwaa che chaang ko neegit ateebe biik che echeen eng acheek Kaplelacheek ale:
Chumeechu, Saweiyeechu ak Kipkooimetyeek/Koroongorreek omwaiweech....
Tos ki kowalak kieet yetaab kochutchi biik Mau? Unee roopta em Bureti ne Tebees, Kericho, Belgut ak Naikuro yetaab komeny biik Mau ak koluul ketiik? Ngot ko kiyoomio ainoosiek, ak ko kitiginiit roopta kotoi kopispiis ago kicham koraang'u kipupumuuit eng tai ko nyolu keguut ndureruut amu ki ko er ng'ony.
Ye igeer pichaiinik agobo tororeetab Mau ak timwek alak che uu Cheroondo ko riirin moo. Agot ileet ne kimii Tindireet ko ki kou neegit ma kemwoe keleen Tindireet Chebuusia ne ngooliel kegool bai.
Arap Sang, nda ki nge koonu mbareet eng Mau kigoochi kibananiaat ta murei yeto age. Kobaate ye ki kikoitoi mbareet ko kimiitei chemoetiinik che ma ristoos mootinweek eng mbareenikab ADC, Kapchai eng Nandi/Kipsigiis and timwek alak. Kinyoor mbareenik che tioniin chemogeenik eng Mau, ki igoochi che tioniin goriikwaak, Chebaigeiinikwaak ak alak.
Ye kiwos biik eng Mau ko ng'oo ne riirei ko ng'oo ne rooriei? Ageere ale ma nyolu kinde siasa Mau, ago nyolu kemitei tai eng ripseetab kieet (environment) ngaap kiboo teeta ak mbar. Ye kesen emeet ak koesio kotiaach roopta ko chiito ne tai ne nyalili ko chichoo kwerei keeldo agoi Naikurro kotugul kocheeng'ei kiruoget ne mie. Chemogeenik ko piru simeet kityo, ma ing'eigei.
Joshua, ageere ale nyolu serikali koweech mbareenik chebo ADC asi kigoochi pichootok kimoong'u. Ma nyolu kinde piik rawang, ago mie konai kiruogik ak kandoik kole ma kiyae kumbet sobonwekab biik amu biik ko ma tuguuk. Ileenji Kalenjiin koriip laatit, nyoonei kowolokwsei emeet ak ko luk roopta.
Nga atinye teeret em sobeet asi ma amwaa che chaang ko neegit ateebe biik che echeen eng acheek Kaplelacheek ale:
Chumeechu, Saweiyeechu ak Kipkooimetyeek/Koroongorreek omwaiweech....
Tos ki kowalak kieet yetaab kochutchi biik Mau? Unee roopta em Bureti ne Tebees, Kericho, Belgut ak Naikuro yetaab komeny biik Mau ak koluul ketiik? Ngot ko kiyoomio ainoosiek, ak ko kitiginiit roopta kotoi kopispiis ago kicham koraang'u kipupumuuit eng tai ko nyolu keguut ndureruut amu ki ko er ng'ony.
Ye igeer pichaiinik agobo tororeetab Mau ak timwek alak che uu Cheroondo ko riirin moo. Agot ileet ne kimii Tindireet ko ki kou neegit ma kemwoe keleen Tindireet Chebuusia ne ngooliel kegool bai.
Arap Sang, nda ki nge koonu mbareet eng Mau kigoochi kibananiaat ta murei yeto age. Kobaate ye ki kikoitoi mbareet ko kimiitei chemoetiinik che ma ristoos mootinweek eng mbareenikab ADC, Kapchai eng Nandi/Kipsigiis and timwek alak. Kinyoor mbareenik che tioniin chemogeenik eng Mau, ki igoochi che tioniin goriikwaak, Chebaigeiinikwaak ak alak.
Ye kiwos biik eng Mau ko ng'oo ne riirei ko ng'oo ne rooriei? Ageere ale ma nyolu kinde siasa Mau, ago nyolu kemitei tai eng ripseetab kieet (environment) ngaap kiboo teeta ak mbar. Ye kesen emeet ak koesio kotiaach roopta ko chiito ne tai ne nyalili ko chichoo kwerei keeldo agoi Naikurro kotugul kocheeng'ei kiruoget ne mie. Chemogeenik ko piru simeet kityo, ma ing'eigei.
Joshua, ageere ale nyolu serikali koweech mbareenik chebo ADC asi kigoochi pichootok kimoong'u. Ma nyolu kinde piik rawang, ago mie konai kiruogik ak kandoik kole ma kiyae kumbet sobonwekab biik amu biik ko ma tuguuk. Ileenji Kalenjiin koriip laatit, nyoonei kowolokwsei emeet ak ko luk roopta.
- Ng'o ne tinyei saw mill eng Mau?
- Ng'o ne ki ng'u ketiikab Mau ib kotamiit?
- Kibaniinik che kinyoor ekaiisiek 500 chiichak konyooru kibananook ekaisiek aeng?
Kongoi, betuut ne mie.
