Holidays

Ochamegei boiisiechu (abeere muren booi Boaz). Lagok che koyai tiemuutik ko mie koisto ng'olyoot ne kileen "ke tar sukul". Ma mii chi ne tarei sukul. Agot ane nga kimoori kaineet keleen Dr ko toom aatar sukul. Tarei biich sukul. Ye mwa lakweet anan ko sigiik kole "ki ko tar sukul kip anan ko chep shiancho". Mwaeet ne uu noo ko teechei ng'otweet em kabwotuutik. Ribegei chi marigindoab kabwatuutik.

Em kasari ko mi ole kimuuchi kesooman buch em university. Geer Finland ak Jurumaan. Oli kimuuch kesooman em university em robiisiek che ng'ering. Em Juruman ko Jimbo che mochei chepkondook kemogee lakwa elipu 60 kitio. Oltinweek alak ko ma kimochei chepkoonda.

Kobaate....

Nga mi ng'ony chepkondook che kemochei em Finland, Juruman, Sweden ak agot China, ko magaat keng'alaal kutiitnywa. Ara anyuun lakweet ne ko koit kilas 12 ko nda imuugaksei kowo kolej ne kineeti kutusweechu asi kobiit kiibara kiwotoosiekab sobeet. Nda momi chepkondokab Kolej ko amu nee lagook che mi oltinweek che kimuuchi keyai kandaras kou kap chai anan keebut bandek asi konyoor chepkondook che inetegei kompiuta anan kutuswek che tesei boroinwekab somaneet.

Omwachi lagook konai kole koobek pocket money yo ko itui sandukuutab sukul. Nguno ko yaachei ko am kaootikchiik.

Mie ke kaaman kanetisiet agobo koroi kiguree Ukimwi asi kitigiin ko ma itiaach lagook seseenik ne matinyei aiyo. Mi ting'ong'eet beek oriit, mat siil beek kiholeela.

Sere ak ogat arap Sang ak Cheptabach.

Ruto, ODM and migration

Arap Sang,
ODM ko nenyoo Kalenjiin. Amu nee asi ma kiyan keele demokras ko le chi mochei koek President em ODM. Biikab ODM che imong'u chiito ne wendii ko soomei ng'echereet. Ngamwa ale mi ng'echerook aeng'u Kenya: president ak PM. Kalya asi ma king'omegituu ak kiroopgei biik che koneech koitoosiek (numbers) che indoeech Sirikali oriit. Momii bororieet ne imuchi ko boi Kenya inegei. Mochei biik toreteetab Kalenjiin, mochei Kalejiin toreteetab biik alak aki icheek.

Ma nyolu kecheeng'chigei buunik che chang. Kou yo kamwa Kansola ko ma chamei Ruto kaiin toroor ak ko nguno kocheeng'ei buunik em Kaap Some ak Kap Kulusya. Mageere amu ne asi ketinye korotiik che bo uoteet ne ki ombenooti kong'eete goot age agoi goot age. Atkinye kemande em Kadu, ye itio keng'eetee Kanu agoi ODM. Ngunoo omoche kokeny kebe kiroonget ke kertee oreet? Asoome ale kobiit internal democracy em Kalenjiin ak ODM. Kou yoo mitei biik che leweni age ko mii bik che ma mochei nootok. Kobaate chang saanik em ODM ak ke mochegei tugul. Nyolu Kalenjiin keteschii ng'ulootio ng'oomnon, amat kindoi seruun.

Nyolu koguur Elders tuiyeet ne bo MPs tugul asi kochoomnyo, ma nyolu ko amegei ng'eng'eweet ak komii tuguuk che chaang che igeneech. Ngo le chi mochei ng'echer ko ka tiech beekab ingiro? Biik che wolu (iyamuani). Sere igatwoo Cheptabach.